Europe - Scotland

words and music Robert Burns

Where hae ye been sae braw, lad?
Where hae ye been sae brankie-o?
Where hae ye been sae braw, lad?
Cam' ye by Killiecrankie-o?

An' ye had been where I hae been
Ye wadna been sae cantie-o
An' ye had seen what I hae seen
On the braes o' Killiecrankie-o

I fought at land, I fought at sea
At hame I fought my auntie-o
But I met the Devil and Dundee
On the braes o' Killiecrankie-o

The bauld pitcur fell in a furr
And Clavers gat a clankie-o
Or I had fed an Athol gled
On the braes o' Killiecrankie-o

Oh fie, MacKay, What gart ye lie
I' the brush ayont the brankie-o?
Ye'd better kiss'd King Willie's loff
Than come tae Killiecrankie-o

It's nae shame, it's nae shame
It's nae shame to shank ye-o
There's sour slaes on Athol braes
And the de'ils at Killiecrankie-o

Background: Rousing Scottish song about the Battle of Killiecrankie in 1689. The first three verses and chorus were written by Robert Burns in 1789.