Europe - Italy

Piscatore 'e 'stu mare 'e Pusilleco
ch'ogne notte me sient' 'e cantà,
piscatò sti pparole so' llagreme
pe' Maria ca luntana me stà!

Dorme 'o mare, voca, voca!
Tutto è pace attuorno a mme.
Ma pecchè, ma pecchè m'ha lassato,
mentr'io more, stanotte, pe' tte?

Zitto, oi core, ca 'nterra Pusilleco,
veco n'ombra ca segno me fa.
'Na manella e 'na voce me chiammano,
fra 'sti bbraccia Maria vo' turnà.

Dorme 'o mare...Oi bella viene!
Ncielo e luna saglie e va.
Vita mia! Vita mia, me vuoi bene?
Ca si è suonno, nun farme scetà!
Dorme 'o mare...Voca, vo!