Europe - Italy

Cand'a mie matessi eo domando
paret chi solu a musca tzega joghe,
paret ch'intenda nendemi una oghe:
"Deo ti nd'apo atidu e ti che mando".

Li naro: "Si ses tue, prite tando
 no ti presentas, po chi t'interroghe?
 Ischire dia cherrer a inoghe
 da inue so ennidu e ue ando".

Si finas s'esser meu m'est ignotu
po chi deo cun megus note e die
cunviva, si mi nan: "Tue ses chie?",

poto risponder: "No mi so connotu".
 Naran chi tzeltos connoschen a totu
 e deo no connosco mancu a mie.

(in italiano)